U Kapil Sibal uwa man leh kam u Lawyer heijooh i por u MP ka Rajya Sabha na Uttar Pradesh, da pynbna u wow yarap Rs.1 klur cha ka Cockroach Janta Party kawa daw sdang ya ka Website yow booddien lada em kiwa chah pynngat ha ka aiñ nei yakhih ha Jantar Mantar wei kani ka poisa toh yow yarap wow yaleh pyrchah kamjooh yow su cha kiwa yasaaid aiñ.
U MP da kyntu u leh ya ki Lawyer wa em ha kylleiñ ka ri wow kynchew ki cha kani ka pynlang poisa.
Ka CJP da pyntip ko wa deiwa em kani ka Website daw ye u wow booddien kamjooh wow pyntip kiwa chah pynngat ha ka aiñ yow pynkhreh Lawyer ya ki, da ong uwa e ktien ka CJP, u Saurav Das.
U Kapil da ong u wa kani ka Rs.1 klur man ko leh wow yarap ya waroh kiwa da pynman yakhih ha India lada em kiwa chah pynngat ha ka aiñ hawa pynman ki dei yakhih wa jai jai wei oo u yieñ u chirup wa ki wei lyngba ka Website kiwa chah ktah daw ye ki wow pyntip wei daw thooh Lawyer neibynta yong ki.
Discussion about this post