E yarap u Sniawbhalang Dhar Rs. 5 lak cha ka Dong Loomdeiñling, Ummulong

U Symbood Montri Rangbah ka jylla uwa man leh kam u MLA ka Nartiang da e yarap u Rs. 5 lak cha ka Dong Loomdeiñling, Ummulong neibynta wow pynchna ya ka Yung Dorbar ka Dong (Community Hall) lyngba ka SRWP Scheme.

Kani man ko kam chibynta wow yarap yei suk i saaiň, i roi i par ka dong ka chnat kamjooh ka chnong ka thaw wei neiliang u Sniawbhalang Dhar da ong u wa deiwa yoh wow yarap u pynchna ya ka Community Hall daw pynsuk ko leh ya kiwa chong dong hapoh yong ka chnong hi waroh kawi yow leh ki yeiwa emkaam neibynta i bha i mait ka imlang sahlang.

Ya kani ka poisa yarap da pdiang da ka Executive Committee yong ka Dong Loomdeiñling hei yahkhmat u Chairman, u Danny Shylla hei emlang u Secretary u Helarius Phawa.

Related posts

Sangeh ka Qatar yei pynmih Gas, daw chah ktah ka India

March 5, 2026

Sñiawsih ki Montri wa em pyn da ki MDC JHADC wa kylli ki jaitbru yi, hajrong i klam pynche yei wiar ki Jaiñtia

March 4, 2026

Neiliang yong ka Dong Loomdeiñling heijooh i por da e khublei ko ya u MLA wa chynna jngai u yeiwa emkaam ki kam kiwa chong dong hapoh ka chnong Ummulong hi waroh kawi kamjooh ka Executive Committee dap ko dei sñiawngooh wa khroo tam ya u MLA yei wa da kyrchaan yarap u cha ka dong.

Ka Dong Loomdeiñling e ko i kitbok kitrwiang ya u Sniawbhalang Dhar yow nang yoh u yei doh i pran wa chait wa khiah yow nang ye chooh chooh u wow chakri neibynta ka ri waka jaitbru sam chaphrang kamjooh e ki leh i kyrkhu khyrdoh ya ka yung ka sem yong oo hi waroh.