Ka Chad Suk Kara 2026 yong ka Raij Pasyih kawa da pynman ha ka 11 April, da man ko kawa jop wei kawa phooh dei wan sakhi u Symbood Montri Rangbah ka jylla, u Sniawbhalang Dhar kam u kongsan.
Ya ka yalang wai ya ka Chad Suk Kara da pynlai da u Thom Kyndait uwa man u President ka Seiñ Raij Chnong Pasyih, uwa da kyntu wa emkaam u sumaar wei kynrong ya ka riti ka dustur. Ya ki kyntien Ngoohblai da yoh na ka Philis Dkhar.
U Sniawbhalang Dhar hawa e yei klam da yaroh u ya ka Seiñ Raij Chnong Pasyih hajrong i ye yong ko wow pynman ya kani ka Chad Suk Kara deiwa ban leh yei angnood ka sorkar wow kyrchaan ya ka riti ka dustur neibhah wa kam kini man kiwa emkaam bha wow pynskem ya i yatylli wei wow hikai ya ki paidbah khamtam ki khynroo khyllood.
Kiwi kiwa da klam kynthup ki ya u Ham Siangshai, Ex-General Secretary; wa u Jointly Ksoo, General Secretary ka Seiñ Raij Tuber.
Ha kani ka sngi, u Dy CM Sniawbhalang Dhar da pynbna u leh yei e yarap poisa wa Rs 8 lak ya ka Seiñ Raij Chnong Pasyih.
Discussion about this post