E yaroh ka AJSU-LU ya ka PWD wa da chna pynmiat ko ya ka yingkieñ ha Khanduli

Jowai: Ka seiñ AJSU-Lapangap Unit da e ki i yaroh wa i e khublei ya ka yungkrehkaam ka PWD Jowai wa da chimkhia ko wow ap ya i kyrpaad ka seiñ wow chna pynmiat ya ka yingkieñ ha chnong Khanduli ha u sarok wow lai cha chnong Lapangap.

Da e yaroh ko ya kani ka yungkrehkaam khamtam ya u sahep Dawhoi Langstang uwa man kam u EE PWD North wa da chimkhia wow leh yeiwa emkaam ki paidbah wa boon wa lang.

“Da ong ko wa hadien wa da chna ya kani ka yingkieñ da pynsuk bha ko ya i lai i wan ki paidbah ymtoh de kamwa man nachwa,” da ong ka AJSU Lapangap Unit

Ini toh katkam wa ong u President wa u General Secretary ka AJSU Lapangap Unit u D Lyngdoh wa u Hermon Shylla.