Jowai: Ka Biate Culutral Organisation Meghalaya (BCOM) hei ya krehlang waka Nehru Yuva Kendra Sangathan Jowai, da pynman ki ya ka yalang e sikai chaphang i kordor i stat i tip ha ka 27-11-2017 ha ka chnong Saipung wa haap hapoh ka Saipung Block, East Jaiñtia Hills District Meghalaya.
Ya kani ka yalang da pynman ha Thanga Darnei Memorial School Hall, Saipung, wa pyllai da u H.W Fowler Darnei uwa da e leh ya ki kyntien pdiang sñiawbha.
Hadien ini da yoh ya ki klam na ki 3 ngut ki bru wa chemphang kiwa klam hajrong ka phang i kordor i stat kitæ toh u Lalthara Thianglai, u Lalthanhawla Darnei wa na u Malsoma Darnei.
U Lathara Thianglai hei klam yong oo da pynchlur u ya ki manbei ki manpa wow phah skur ya ki khon wei yow kreh chitom u pynneh ki ha skur neibhah neibhah i stat man i ka spah wa ye ki bei ki pa cha u e cha ki khon yong ki.
Da ong u leh wa lada em hapyrdi i duna ha kiwa boon ki liang nadooh ki skur heiwa ki skur wa em cha sor man ki kiwa bha chiboon, ymtoh u dooh mynsien ki neibhah lada em hi i mon em bait ka luti.
Kiwi de kiwa klam da ban joor ki yei emkaam i stat i tip khamtam cha ka thaiñ Saipung heiwa ki bru dang shadien ki ha waroh i liang. Da ong ki wa du i stat i tip donhi wa ye wanrah ya i kylla ha ka imlang sahlang kamjooh wow wanrah ya ka roi ka paar liang wa nang.
Ha kani ka sngi neiliang kiwa chong chnong da pynsñiaw ki yei sñiawngooh wa khroo ya ka Nehru Yuva Kendra Jowai, wa ye ki u e yarap wow pynman ya kam kani ka yalang e sikai kawa pynyoh myntoi chiboon ya ki paibah wa chong chnong.
Discussion about this post