E yaroh ka DC Namdong-A ya ki khynnah wa ki khynroo wa chimkhia ki wow pynkhooid ya ka chnong

Jowai: Ka Dorbar Chnong Namdong-A da pynsñiaw ko yei sñiawngooh wei i yaroh ya ki khynnah wa ki khynroo yong ka chnong wa ya ka seiñ Children & Youth Group yong ki kawa da seiñ da ka chnong ha uni u snem.

Ha kini ki khynnah wa ki khynroo ka chnong da e kaam ya ki wow pait ya i khooid i jngiar ka chnong ka thaw wa kiwi kiwi ki wow yah luti ya ki cha ki kaam wa bha.

Kam ka chnong waroh kawi da yaroh ko yei smat u mih soh nei kreh kani ka Children & Youth Group kawa da pynkylla ya ka chnong ka thaw hei yatoh i khooid i jngiar katni. Ka chnong da kyrmen skem ko wa ini i kaam wa bha yong ki daw pteiñ i wei daw pynkylla ko ya ka imlang sahlang heiwa kiwi leh daw booddien ki ya kini ki kaam wa bha.

Ka Dorbar Chnong da yaroh ko leh ya ki wa yahkhmat ya kani ka Children & Youth Group wa chimkhia ki wow pynman da ka pynkhooid chnong man ka tayaw wei neiliang ka chnong leh u kyrchaan ko ya kini ki kaam wa bha wei da e bor leh ya ki wow leh ki ya kiwa boon ki kaam wa bha hapoh ka chnong.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024