15 49.0138 8.38624 1 0 4000 1 https://wyrta.com 300 0
Advertisement ad1

Tang chi joo ka um ym joo na ka T. 2744.79 Lak wow pynpoi um cha ki 15 chnong ha EJH: JSM

0 Comments
Advertisement ad1
Advertisement ad1

Jowai: Ka Jaiñtia Student Movement (JSM) da chem ko wa ka Greater Rymbai Water Supply kawa toh u pynpoi um cha ki 15 tylli ki chnong wa kynthup ya Iawpynsing, Rymbai Pohshnong, Synrang Sakhain, Rymbai Pohskur, Rymbai Pompyrthat, Madan Pynriang, Umsatai, Demsatlang, Lad Wah Wapung, Lad Rymbai, Dkhiah East, Dkhiah West, Moowakhu,, Khliehriat West wa Khliehriat East da man ko kawa sepai heiwa da ieh chitieñ yei kreh.

I kreh ya kani ka Greater Rymbai Water Supply da sdang nadooh u snem 2006 heidor T. 2744.79 Lak hapoh ka scheme MNP wei ya i kreh da yoh ka M/s Lyngdoh Engineers & Builders Co. Pvt. Ltd, N L Comlex, Dhanketi, Shillong.

I thmu kani ka Greater Rymbai Water Supply toh wow pynpoi um cha kawi pa kawi ka thlu yung katkam ka Meghalaya Water Supply Rules 2008.

Ka sarok wow lai cha ka Pump House, Sub-Station kawa jrong 6.75 Km toh kawa da dep chna deilang wa ki dooid, ki chram wa kiwi kiwi.

Da dep leh u chna ya ka Pump House ka Stage I Pumping System wa ki top pyllang ha kiwa boon ki thaw tangwa ya ki thaw pyllang um wa tip kam ki Sub-Zonal Reservoirs, ki pipe wow saam um cha kiwa ki thaw ym em u sdang u kreh ya ki hadooh katni.

Ka JSM leh da hiar ko cha kani ka thaw wei da chem wa man ko kawa da jæd da pra wei da ieh khlem pyndep neidaw wym tip wei da man ko ka dooh nong wa joor bha ya ki paidbah ki 15 chnong wa duna um bha ha kini ki por wei da man ko leh i noh roi ya ka poisa.

Hei yatoh wa ini ka JSM da li booh dorkhat ko ha u DC ka East Jaiñtia Hills deiwa dawa wow pynman da ka Magisterial Enquiry hei yatoh wa ini i kaam yow chemdien wei wow pynchitom ya kiwa em kti wei wow sdang biang ya i kreh.

Ya kani ka dorkhat da phah leh cha u Chief Secretary, Meghalaya, Shillong wa cha u Chief Engineer, PHE, Meghalaya, Shillong.

Advertisement ad1

0 Comments

Leave a Reply