Jowai : Ka Jaiñtia Hills Truck Owner Association dap ko dei sñiawngooh ya u Commissioner ka tnat Transport u I.W. Ingty wa da chimkhia u hei yatoh wei eh i khoo yong ka seiñ khamtam ki truck 14 (khatsoo) chaka chaneiñ wa lai lyngba ka Jaiñtia Hills.
Ka seiñ hei yachem wa uni u heh sorkar da e dorkhat ha oo wei da hukum u wa ki karkhana khyndawbilat (Cement Factory) wym hoi de u pynemkaam ki da kini ki jait truck ki wym yahap wa u sarok ka thaiñ wa em cheini.
Ynne ka sngi 16 tarik, da lai yachem ko leh wa ka seiñ karkhana khyndawbilat (Jaintia Hills Cement Manufacturing Association) heiwa neiliang ka JHCMA da kular ki wym pynemkaam de ki da kam kini ki jait truck wei lada dang pteiñ ki daw leh ki yeiwa emkaam katkam ka aiñ.
Da yaklam leh chaphang ka bai kit (Bhara) neiliang ka JHCMA da kular ki wow booh i dor iwa biang (Reasonable rate).
Da kam leh wa jooh chem wa em kattu katni ki bru kiwa pynkit khyndawbilat (Transporter) khamtam kiwa na Jaintia Hills kiwa jooh man leh kiwa yahkhmat ka seiñ JHTOA jooh chim kabu wei kiwa ksih dor ya ki truck na ki Cement Company du yow myntoi samen. Hei yatoh weini ka seiñ daw pynman ko ya ka General Meeting ha ka 20 Naisaphra ha Phramer ha Office ka seiñ ha yung y ma S. Kyndait heipor 10: 30 i step wei da kyntu leh ya waroh wow emlang ha kani ka yalang.
Kani toh katkam ka khubor wa phah da u President ka seiñ u Nidamon Shullet, wa u General Secretary u ma Enrico D. Pasi.
Discussion about this post