Lai yachem ka HPF ya u DTO ka WJH wa tlot i chakri ya ki paidbah

Jowai : Ka seiñ Hynniewtrep People Federation (HPF) Jaiñtia Hills District, hadien wa da ujor ki paidbah hei yatoh wa i eh i khoo wa yachem ki neipor cheipor ha District Transport Office (DTO) West Jaiñtia Hills District, neiliang ka seiñ da lai yachem ko wa u DTO u ma Pyndap Laloo, ha kani ka 12 Naisaphra.

Kiwa yahkhmat ka seiñ kiwa kynthup ya u President u ma W. Chyrmang wa u General Secretary u ma T. Rynthathiang da lai yachem ki wa u DTO u ma Laloo, heiwa neiliang yong oo da pdiang u yei thut wei slem u dep ya ki kaam ki bru heipor wa biang, wei da ong u leh ha ka seiñ wa duna ki tiar kam ki computer wa kiwi kiwi.