15 49.0138 8.38624 1 0 4000 1 https://wyrta.com 300 0
Advertisement ad1

E yumut ka JARF ya ka JHADC wow chna ki yong ka hi ki aiñ wow tih mooyong

1 Comment
Advertisement ad1
Advertisement ad1

Jowai: Ka Jaiñtia Amalgamated Redressal Forum (JARF) da seiñ na ka Dorbar Bah wa man ha Tuber-Shohshrieh da kawi ka yumut wei thmu da rai wow thooh ya ki laad wa ki luti wow pait yei eh i khoo wa yachem ki paidbah ka jaitbru Jaiñtia. 

Ka seiñ da e dorkhat ko ha u CEM ka JHADC heiwa kawi na ki phang toh i chah ktah nei khang tih wei wow chalan mooyong iwa da jia nadooh u snem 2014 da ka National Green Tribunal heiwa ini neiliang ka seiñ da ong ko wa da ku ki kaam sih ha ki ar District ka ri-loom Jaiñtia, wa kiwi kiwi khamtam i yoh poisa ka Council.

Sa kawi ka phang toh wa pynngat ya ka jylla Meghalaya hapoh ka aiñ MMDR Act  1957 waka Mines Act 2952 yeiwa da leh da ka Supreme Court hadien wa pyndam ko u khang yei tih mooyong katkam ka rai wa da pynmih ha ka 03-07-2019.

Hajrong ini i eh i khoo da e yumut ko wa kammon u ye u pyllait ya ka jylla na i chah kdoh chah khoom ha ka sorkar pyrdi deiwa pynkrehkaam ya ki bor yong ka District Council kamwa da pynkup bor da ka Article 244 wa Sixth Schedule ka Riti Synchaar ka ri kiwa ebor ya ka Council wow synchaar wei wow chna ya ki aiñ kiwa yatoh wa i kaam khyndaw, ka riti dustur wei wow yada na ki aiñ kiwa krehkaam cha kiwi ki bynta ka ri. 

Da e yumut leh wow pynksan chooh chooh ya ka Sixth Schedule katkam ka Para 3, wa pynkupbor wow chna ya ki aiñ wa yatoh wa i khyndaw i chyiap, ki khloo, ki um ki wah, ki chnong ki thaw, wa kiwi kiwi.

Chooh chooh da e yumut leh wow pynemkaam ya ka aiñ United Khasi-Jaintia Hills District (Application of Laws) Regulation, 1952 kawa klam che wa ka Council ye ko wow chna aiñ hajrong u mooyong katkam ka bynta wa II yong katai ka Regulation wa da kdaw wa ye ko wow chna salan ya ki aiñ wa yatoh kam ka Indian Mines Act, 1923, Indian Forest Act, 1927 wa ka Coal Mines Labour Welfare Fund Act, 1947.

Khaddooh da tyrwa wow leh da ka Review Petition pyrchah ya ka rai ka Supreme Court wa mih ha ka 03-07-2019 khnang wow pyllait ya ka jylla na i chah kdoh ha ka MMDR Act wa Mine Act.

Advertisement ad1

1 Comment

  • November 23, 2019 at 4:06 am
    Barris M

    Ki khatar bor, ki khatar sor
    Da pynioo pynkdaw ki
    Ha u waheh chongknor
    Jar jiar i sap, jar jiar i tap
    Ioh u lait ka jaitbru
    U chah tylliat tungtap.. 👽

    Reply

Leave a Reply