U MLA ka Rongara-Siju, u Rakkam A Sangma da pynsñiaw u hapoh ka yung dorbar ynne ka sngi wow e laad noh teiñkhat wow yaklam noh da ka ktien Khasi wa Garo hapoh ka yung dorbar chna aiñ ka jylla. Da ong u wa deiwa klam da i ktien tynre daw pynneh pynsah wei kyntu ya ka ktien ka thylliej yong ka jylla.
I dawa wow tipmit noh ya ka ktien Khasi wa Garo ha ka 8th Schedule yong ka riti synchaar ka ri dang sahteiñ i, wei ynne ha ka sngi kut noh ka dorbar mang tangka ka jylla, u MLA na West Shillong, u Mahendro Rapsang da wanrah u yei yukylli hajrong i klam da ka ktien Khasi wa Garo hapoh ki District Council hapoh yong ka Sixth Schedule.
Haba jubab yeiwa kylli, u Montri wa pait ya ka District Council Affairs, u Lahkmen Rymbui da pyntip u wa ya ka ktien Khasi Garo toh kawa da tipmit hapoh ka Sixth Schedule tangwa i pynpsiah hapoh ka Eight Schedule toh da iwi hi.
Kamtæ da ong u wa i dawa wow pynpsiah ya ka ktien Khasi wa Garo ha ka Eight Schedule hadooh katni dang sahkut hapoh i bichaar yong ka sorkar India.
