theme-sticky-logo-alt
theme-logo-alt
Advertisement ad1

Kyntu u Wailadmiki na ka sorkar wow leh yeiwa emkaam ha ki ar tylli ki skur sorkar ha Jowai 

Advertisement ad1

Ynne ka sngi ha ka Dorkar Mang Tangka ka jylla, u MLA ka Jowai, u Wailamiki Shylla da pyntip u ya ka yung wa i kynroh wa em ha ka Jowai Government Boys Higher Secondary School da oor i ha ka 26 Naisan 2020 iwa da ktah leh ya ki kamwa soo tylli ki yung hajan ini i thaw wei da booh i leh ha i maa ya ki mynsien bru heiwa pyn ha ka sngi wa bood u Montri ka chnat puræ puthi ka jylla, u Lahkmen rymbui da lai pait u ya ini i thaw.

U Wailadmiki da kdaw u leh wa i yung ksur khyndaw-bilat kani ka skur iwa em hajrong uni u loom da ieh ya i khlem pynemkaam hadooh katni.

Kamtæ da kyntu u ya ka sorkar wa u Montri wow chna noh ya ini i kynroh chwa i lyur neibhah u slap ymye u khana chwa hadooh katwon u joor u.

Heijooh i por da kdaw u ya ka Hostel kynthai ka Government Girls Higher Secondary School kawa da ieh khlem pynemkaam da ki boon snem kattu deiwa kyntu ya u Montri ka chnat wow chimkhia yeini khnang wow myntoi ki khynnah wa wan na ki chnong wa jngai.

U Wailadmiki hajrong ini da ban joor u wow pynku noh ya ka tulop kiwa sikai ka Morning Section ka Kiang Nangbah Government College kawa man kawa khian bha.

Advertisement ad1
Share this:
Previous

Hun mynsien u MDC wa pynman yei jied Dolloi Shangpung hadien 8 snem 

Next

E yumut u Rakkam wow yaklam noh teiñkhat da ka ktien Khasi wa Garo hapoh dorbar