Ka Jaiñtia National Council JNC ynne ka sngi da ksoh ko ya ki 5 ngut ki nong Bangladesh katwa dang thmu ki wow lai luti na East Jaiñtia Hills District.
Ka seiñ hapoh i yahkhmat u Ency Shadap uwa man u Chairman ka Employment Commission wa u Mebanteilang Sukhlaiñ u Secretary ka Commission da ksoh ki ya kini ki bru wa kam toh ki nong Bangladesh wei da psiah ki cha India lyngba i yarap ki dalal deiwa su Rs. 1,000 wa Rs. 2,000 samen wei i thmu yong ki toh wow lai kreh ha ki thaaiñ karkhana Khyndaw-bilat.
Ya kini da ekti noh cha ki pulit ka Umtyr-a wow leh yeiwa emkaam.
U Ency Shadap da beiñ u ya ki chipai BSF neibhah hanlada em ki ha khappood leh kini ki bru dang yoh ki wow psiah chapoh India.
Ka seiñ da beiñ joor ko leh ya ki Dalal kiwa dai ya ka ri deiwa maham joor leh ya ki khamtam kiwa napoh ka District wei daw thooh ya ki kat hawa em ki wei wow pynchitom ya ki.
Hadien wa ekti ya kini ki san ngut cha ki pulit da chem wa kini man sakhiat ki ki nong Bangladesh heiwa waroh toh kiwa na Sylhet, Bangladesh.
Discussion about this post