Ka seiñ Meghalaya People United Front (MPUF), East Jaiñtia Hills District ynne ka 18 tarik da ye ko wow ekti ya iwi i yung sah cha kawi ka manyung yong ka Rit Dkhar kawa em 11 ngut ki khon, kiwa kynthup ya 4 ngut ki khynthai wa 7 ngut ki chynrang.
Katkam wa chem ka seiñ, kani ka manyung kawa emkaam yarap neibhah wa kani ka manyung toh kawa ym em de u pa yong ka kamtæ kani ka manbei da haap mylla ko wow ye u pyndap yeiwa emkaam ha kani ka yung wei da ye ko u phah skur ya kawi ka khon hadooh wa da ye u pyndep ya ka Bachelor of Arts (BA) wot hapyrdi i dooh.
U D. Laloo hawa e yei klam da dap u dei mynsien wa kmen wow yoh kam kani ka laad wow e yarap ya kiwa emkaam yarap deiwa e yaroh leh ya ka MPUF-EJHD, kawa da lai pait lai sylli bniah bha ya kani ka manyung kawa emkaam yarap sakhiat wei ini ymtoh i sien wa nyngkong neibhah ka seiñ da jooh lai e yarap ko neipor cheipor.
Da kyrmen skem u leh wa wa ka seiñ daw ye chooh ko wow pteiñ ya ki kaam yong ka wow e i chakri ya kiwi wei yeini da leh deiwa e yarap poisa kyllooid mynsied ki para dkhot yong ka.
Ynne ka sngi da em ka yalang wa tbian wa da pynlai da u General Secretary ka seiñ u K. Siangshai, da yoh leh i klam na kawi na ki khon kani ka manyung ka D. Dkhar, kawa da ekhublei ya ka seiñ.
Da yoh leh i klam na u K. Blah, President East Jaiñtia Hills District, u Aimon Syad, General Secretary, u President Jalyiah Unit u Y. Rymbai wa kiwi kiwi.
