Ka 3rd Elaka Lakadong Knockout Football Tournament 2023-24 wa pynman da ka Elaka Lakadong Sports Association (ELSA) da pteiñ biang ya ki yalehke deiwa pynman ar tylli ynnin ka sngi ha Madan Kwator (Kwator Zone) kawa man heipor 12:00 waje pyrdi sngi heiwa ka Three Brothers FC da jop ko pyrchah yaka Kur Rymbai FC da 6-0 kiwa da thap waroh da u Cheerfulness Shadap haka minit wa 10, 18, 29, 37, 38 wa 42.
Ha ka yalehke kawa ar won heipor 2:00 waje i sngi hapyrdi ka Lion SCC Borghat pyrchah yaka Natbor SC heiwa ka yalehke da man ko kawa yaryngkat bor bha wei ya thaaiñ kawa da pynhun ya kiwa wan pait heiwa ka yalehke da ka kut ko da 2-2 hadooh wa kut i por.
Ya ki kool yong ka Lion SCC da thap lyngba u Ferous Shadong wa u Cheerfulness Shadap haka minit wa 8 wa 51 katwa ya ka Natbor SC da thap lyngba u Kyrpang Suchen ha ka minit 14 wa 25.
Kamtæ yow rai ya kiwa jop, da pynman da ka yachut Tie-Breaker heiwa ka Lion SCC Borghat da jop ko da 5-4.
Discussion about this post