U Health Minister ka jylla, u Wailadmiki Shylla ynne da ong u wa da su Rs. 11.36 klur hapoh ka Megha Health Insurance Scheme (MHIS) neibynta wow sumaar Dialysis deiwa pynrap wow pyrchang katwa ye wow pynjanai yei sumaar.
Yeini da khana u yeiwa kylli u MLA ka VPP, u Ardent Miller Basaiawmoit wa chah pynbor ki yung wa duna hei yoh i laa wow lai sumaar ha ki thaw ki bru samen iwa syad.
U Wailadmiki da ong u wa ki District Hospital ka sorkar chim ki Rs 3,000 chisien leh Dialysis wei ya kani da kynthup hapoh ka MHIS, wei da em leh ki Private Hospital kiwa da kynthup (Empanelled) hapoh ka MHIS.
Da khana u wa ki Doctor (Medicine) wa e yeini i sumaar heithaw ki Nephrologists neibhah wa em du uwi u Nephrologist ha ka jylla.
Heiyatoh wa i slem, u Wailadmiki da ong u wa boon ki bru wa chitom wei ka chnat da yaleh ko wow pynboon ya ki kor wa kiwa kreh.
Da pyntip u leh wa ha jylla em 54 tylli ki kor Dialysis, ha East Khasi Hills em 12 tylli ha Shillong Civil Hospital (10 tylli kiwa krehkaam) wa 42 tylli ha ki Private Hospital.
U Wailadmiki da pynbna u leh yei thmu wow pynyaar ya ki Dialysis Unit cha waroh ki District Hospital wei neitæ won cha ki CHC.
Discussion about this post