theme-sticky-logo-alt
theme-logo-alt
Advertisement ad1
Advertisement ad1

Em du ar tylli ki thaw Test RT-PCR ya u COVID-19 ha Meghalaya

Advertisement ad1
Advertisement ad1

Na ki 28 tylli ki thaw Test COVID-19 ha Meghalaya da em du ar tylli kiwa leh yaka RT-PCR kawa kheiñ toh kawa tikna dooh na waroh ki Test ya uni u khñiang kiwa waroh ar kiwa em ha East Khasi Hills District kitæ ha NEIGRIHMS wa ha Pasteur Institute, Shillong. Heijooh i por leh ka East Khasi Hills da em ko kiwa boon dooh ki thaw wow Test ya uni u khñiang kiwa em 10 tylli kiwa 5 tylli ha ki thaw sumaar sorkar wa 5 tylli ha ki thaw sumaar ki bru samen katkam wa pynbna da ka National Health Mission, Meghalaya.

I dor RT-PCR da boh T. 1000, CBNAAT chong dor T. 3000, TrueNat T. 1500, Rapid Antigen Test (RAT) T. 500 tangwa man ki kiwa mynkna ki Test ya kitu kiwa em hei maa namo kiwa yachem wa kiwa yoh COVID-19 kiwa phah Test hi da ka sorkar lane kitu kiwa wan na ki manyung BPL.

I bai Test RAT ha Tura Christian Hospital man ko T. 650 katwa ha Holy Cross Hospital T. 600 kiwa waroh ar wa em ha West Garo Hills.

Ha West Jaiñtia Hills da em le tylli ki thaw Test kitæ ha Jowai Civil Hospital, Maternal & Child Health Hospital wa ha Dr. Norman Tunnel Hospital.

Ha East Jaiñtia Hills da em du ka wi katæ ha Khliehriat CHC.

Ka Ri Bhoi ka wi ka District wa chah ktah bha ini wa dep da em ko ar tylli ki thaw Test ha Bethany Hospital, Nongpoh wa ha District Lab Nongpoh.

Neiliang ka sorkar da kyntu ko ya ki paidbah wow wan ki chakhmat lada em ki kiwon kiwon ki dak ki chin wa yoh ya uni u khñiang.

Kiwa ki thaw Test man ki kamni ha wah:

Share this:
Previous

Night Curfew extended in East Khasi Hills till the 13th

Next

Dawa ka FKJGP wow kem ya u Dolloi ka Nartiang