Hadien wa ka sorkar India da pynbna ko wa da pyndam noh ya waroh ki Visa neibynta ki Pakistani wa em hapoh India deiwa phah wow mih noh deiwa e por hadooh ka 27 tarik katwa kitu kiwa em ya ka Medical Visa won wow mih ki hapoh ka 29 tarik uni u bnai, neiliang u Chief Minister ka Assam, u Himanta Biswa Sarma da pyntip wa em du kawi donhi kawa na Pakistan hapoh ka jylla.
Da pyntip u wa kani ka bru toh kawa em ha Tinsukia District wei da bia ko wa uwi uwa na Assam wei man ko kawa na Pakistan wei da yaleh ko ya ka Long Term Visa.
Heiyatoh wa ini, da pyntip u wa da paan pynche na ka sorkar India kammon u leh lada toh u phah liwan ka wei lait na kani ym em kiwon kiwon kiwa na Pakistan wa em ha Assam.
Hawa yatoh won wa ki Bangladeshi, da ong u wa ka India leh toh u leh ko deiwa khor pyrchah ya kini wei da sñiawskem u wa ini toh iwa da pyrkhat da ka sorkar pyrdi kammon u leh wei manda chim rai ki yei man chngaaiñ ka ri wei daw tip lada ye wow leh syndon ya waroh ar ri heijooh i por næ wow leh chwa ya ka Pakistan wei hadien won ya ka Bangladesh tangwa oo deilang wa kiwi ki Chief Minister ka North East leh sñiaw ki wa toh u pynkhor leh ya kiwa na Bangladesh.
Discussion about this post