Em ka JHADC ar tylli ki yaaw ha Amlarem Sub-Division kiwa pynmih Rs. 70,000 tam ka dan chi snem

Ynne ka sngi da pynman ya ka Dorbar Mang Tangka ka JHADC heiwa u Jamshaphrang Pohtam, MDC ka War Central da kylli u katwon tylli em ki yaaw ka JHADC hapoh Amlarem Sub-Division kat hadooh ka 28 tarik u Thohlakhmi (Feb) 2025.

Heiyatoh wa ini, u EM ka Market, u Seibor Shadap da pyntip u wa em ar tylli ki yaaw ka Council kiwa em ha Muktapur wa Dawki.

U Pohtam da kylli chooh chooh u katwon ka dan yoh ka Council ha ka chi snem na kini ki yaaw, heiwa da yoh jubab u wa da yoh Rs. 60,000 na Muktapur wa Rs. 13,750 na Dawki.

Related posts

Hadien 43 kynta yoh biang ki pulit wow kem ya ki 17 ngut ki koidi kiwa yoh u yut napoh ka Jail

October 28, 2026

Kut ka e sikai wa le bnai hajrong ka Self Defence ha ka skur ha Shangpung

October 28, 2026

Hawa kylli won lada em ka yaaw wa da khang hapoh ka Sub-Division, u Seibor Shadap da khana u wa da khang ya ka yaaw ha Jaraiñ neidaw wa em i kajia pood hapyrdi ki 3-4 chnong wei da khang noh ya ka haka 26 tarik u Naitung (Apr) 2023.

Chooh chooh heiyatoh wa lada kwah ka chnong Jaraiñ u wai biang ya kani ka yaaw, u Seibor da ong u wa ka Council daw bichaar bniah ko yeini.