15 49.0138 8.38624 1 0 4000 1 https://wyrta.com 300 0
Advertisement ad1

Em ka jylla Meghalaya cha tre dooh haka synchaar khaddar katkam wa chem ka PAC

0 Comments
Advertisement ad1
Advertisement ad1

Jowai: Ka jylla Kerala la le snem ban ban da chah jied biang ko kam ka jylla wa biang dooh ka synchaar khadar hapoh ka ri India da ka seiñ na Bengaluru wa tip kam ka Public Affairs Centre (PAC).

Kiwi ki jylla wa bood hadien ka Kerela toh ka Tamil Nadu, Telangana, Karnataka wa Gujarat kam ki san tylli ki jylla wa ha khlieh dooh katwa ka jylla Bihar, Jharkhand, Madhya Pradesh, Uttar Pradesh wa Odisha em ki ha tre dooh na ki jylla wa heh wei wa boon bru deiwa bichaar yei yoh i kot ki ha ka imlang sahlang kamjooh leh ka kamai kajih.

Na ki jylla wa khian kiwa em bru hapoh 2 klur ka jylla Himachal Pradesh yoh nyngkong ko wei da pynbood da ka Goa, Mizoram, Sikkim and Tripura katwa ka Meghalaya da poi ko cha tre dooh.

Kiwi dei kiwa em cha tre toh ka jylla Manipur, Nagaland, Delhi waka Jammu & Kashmir.

Ka Public Affairs Centre da jied ko ya ini waroh da ki 10 tylli ki kyndon nadooh i biang ki sarok, umdih, i chait i khiah, i yada ya ki kynthai wa ki khynnah, i man chngaaiñ ka imlang sahlang wa kiwi kiwi wei da leh ya ini katkam ka yutip wa da e pyn da ki sorkar jylla hi.

Advertisement ad1

0 Comments

Leave a Reply