Em ki bru wa da pynkhreh 5-6 bnai yow wan cha ka Umngot, sñiawkhia u Lahkmen yei ktieh ka wah

Ka wah Umngot toh kawa da na bna naam bha ki wah ha ka pyrthai heiwa da pynsariem ya ka wa ka yit heiwa ki lieñ da yoo lakam wa hær ki ha suiñ, tangwa ini wadep da sdang kylla ktieh kani ka wah.

I kylla ktieh syndet ka Umngot daw ktah i chiboon ya ka mariang kamjooh ya kiwa im-ja na ka heiwa ki tre chnong kamjooh kiwa uiñke da kylli ki yei daw wa kylla rong ko.

Ki bru chemphang da ong ki wa i daw yong i kylla rong ka wah toh nei chna pynheh ya u sarok Shillong-Dawki heiwa ka Meghalaya Pollution Control Board ye ko wow pynchitom ya kiwa emkti katkam ki kyndon aiñ.

Related posts

Chah pyndam i booh ya ka Sub-Centre khlem da tip ka Dorbar Chnong Hingaria

February 2, 2026

Phah pynlait ka Supreme Court ya ki ar ngut kiwa na Meghalaya kiwa chah pynbaad pynyap bru

February 2, 2026

U Montri ka chnat Law uwa man leh u MLA ka thaaiñ, u Lahkmen Rymbui da sñiawkhia u yeini heiwa daw ktah ko ya ka mariang kamjooh ya i kamai ki bru na kani ka wah heiwa da kubur u wa ym ye u len wa kani ka wah jooh man ko kawa khooid bha tangwa na ki daw ki wym pu ye u tip da ktieh syndet ko iwa ktah ya ki doh-um.

Da ong u wa da ktah ko leh yei kamai kiwa boon wa em ha kani ka thaaiñ kamjooh kiwa wanke neibhah kiwa boon ki bru toh kiwa pynkhreh 5-6 bnai chwa wow wan cha ka tangwa da yoo ki dei jngut ka wah.