U Chief Executive Member warim ka Khasi Hills Autonomous District Council (KHADC), u Titosstarwell Chyne da pynbaad u wa em kattu katni ki MLA kiwa da angnood wow pynhaap ya oo na ka chuki CEM neibhah sñiawthooh ki wa i man u kam u CEM toh iwa maa ya ki.
Hawa klam ynne, u Titos uwa katni da man u kam u heh ka Liang Pyrchah ha KHADC, da ong u wa na ki dak ki chin em kiwa phah na ki heh ka NPP wow pynhaap noh ya oo kam u CEM.
Da ong chooh chooh u wa em ki MLA wa katni chwa wow psiah ki ha ka NPP, ka kyndon kawa nyngkong wa booh ki toh wow pynhaap ya oo na ka chuki CEM heiwa da pynrap u leh wa ini man i ymtoh ya oo i doohnong tangwa i doohnong ya ka District Council.
U Titos da ong u wa em ki MLA kiwa tieñ yei man CEM u wei ymtip weileh tieñ ki hawa chong u ha ka chuki CEM neibhah hawa chong u ha ka chuki ymtoh wow pyntieñ bru, tangwa wow kreh wow wanrah ya ki aiñ wa yatoh waka riti ka dustur.
