Ka State Load Despatch Center, Shillong da pyntip wa da sdang ka Load Shedding wei kani da ktah ko ya ka West wa East Jaiñtia Hills nadooh ynne i miet ka 16 tarik wei daw dooh bordiñ nadooh 8:00 waje i miet hadooh 10:00 waje i miet.
Hawa yaklam wa ki sahep ka MeECL ha Jowai wa ha Khliehriat da ong ki wa em hi kani ka Load Shedding tangwa ki ym tip ki wa hadooh katwon sngi u neh ko wei ym pu em leh pynmih kawon kawon ka pynbna wa da tikna.
Chooh chooh da ong leh wa kani ye u man nei joor ka Load tæ da hap wow pyndooh bordiñ lane wa da sdang biang wa duna i pynmih wei poi bordiñ.
