Ha iwi i jia tyrrah kari wa yoo chyrkhei, uwi u bru da dooh u yei mynsien, da mynsoo kiwi katwa uwi won da embhah u wow lait im iwa da jia hei step ka 26 tarik ha u sarok wa lai cha Palkhi ha i bynta ka chnong Barad, Maharashtra.
Yeini wa jia da yoh wow riñ da ki CCTV heiwa da yoo yeiwa em u sarok 4-Lane wei hapyrdi sarok da pynyieñ da ki Divider deiwa em le ngut kiwa mut wow kaap cha chiliang sarok heiwa uwi na ki da yieñ u ha khap kini ki Divider katwa uwi won da pynkhreh u wow kaap ya u sarok.
Mar ya kaap u cha chiliang heitæ wot wan kawi ka Mini Bus kawa pynhær bha kawa da tyrrah ya kini ki Divider deiwa ksih ya uwa yieñ hakhap ki wei da tyrrah leh ya uwi won uwa em hajan u tangwa uni leh da embhah u heiwa da ye u yieñ hadien ini wa jia. Uwa kaap cha chiliang sarok dang yoh u wow kyruiñ dien yow yoo yeini wa jia.
Kani ka Mini Bus toh kawa lai cheiliang Pandharpur wei da suba wa jia ini nei bakla uwa yah kari heiwa kiwa mynsoo da em ki 7 ngut waroh.
Kani ka thaw toh kawa da jia i mynsoo neipor cheipor neidaw wa ki bru paidbah leh toh kiwa kaap chiliang wei kiwa lai luti na rood sarok wei man u leh u sarok wa boon kari bha.
Discussion about this post