Ka Sohkha Shnong Everlasting Sports Club, West Jaiñtia Hills District ynnin ka sngi da sdang ko ya ka 1st T20 Maruti Ball Cricket Tournament 2025-2026 ha madan thymme ka Sohkha Shnong.
Ya kani ka lympung yalehke da wan wow wai da u W. Lamare, Assistant Executive Engineer, MePDCL, Amlarem.
Ha ka yalang wa pynlai da u Luminous Tongper, Secretary Sohkha Shnong Everlasting Sports Club najrong i klam u kongsan da yoh leh i klam na u V. Tongper kam u Waheh Chnong Sohkha Shnong wa na u H.R.F. Hadem.
Ha kani ka sngi sdang da pynman ya ka yalehke hapyrdi ka CL7 United pyrchah ya ka Umsyiem CT, heiwa ka CL7 United da jop ko da 7 Wicket.
Ka Umsyiem CT da kamai ko 30 Run deiwa dooh waroh ki Wicket na ki 12.2 Over heiwa ka CL7 United da jubab ko deiwa yoh 33/3 na ki 7.5 Over.
Discussion about this post