15 49.0138 8.38624 1 0 4000 1 https://wyrta.com 300 0
Advertisement ad1

Emkaam wa kiwa sikai Science u pynphær ki yei rukom sikai yow lait ki khynnah u ngait biej

0 Comments
Advertisement ad1

Ampati: Ki wa sikai ya ka Subject Science hapoh ki skur wa em cha sor ka South West Garo Hills District da yoh ki ya ka esikai wa chi sngi na ka State Council of Science, Technology & Environment (SCST&E), Meghalaya hei ya krehlang wa ka District Planning Office, South West Garo Hills wa pynman ha DRDA Conference Hall, Ampati kam wow pynkhreh ya ka National Children’s Science Congress (NCSC), 2017.

Waroh da em 26 ngut kiwa sikai kiwa boon wa wan na Ampati wa ki chnong wa jan.

Advertisement ad1

U Deputy Commissioner ka South West Garo Hills u Cyril V.D. Diengdoh da ong u wa kani ka esikai toh yow pynchlur ya kiwa sikai wym toh u sikai ki du na ki kot ki sla emkaam leh wow pynyoo da ki kaam yei rukom krehkaam ka stat Science.

“Lada jied ki khynnah kawon kawon ka laiñ puræ ymtoh u mylliñ ki ya ka Science wei emkaam u pynpsiah ha ki wow kynmoo ki ya ka Science wa yeiwa emkaam wow yada ya ka Rymaw khamtam ha kini ki por wa im ki bru ha ka juk Science” da ong chooh chooh u.

Ka Addl. Deputy Commissioner & District Planning Officer, Ampati, ka H.D.B. Sangma da ong ko wa ka National Children’s Science Congress elaad ko ya ki khynnah wa em ha ka rta wa 10 hadooh 17 ka kabu ksiar wow thooh laad ki lyngba i stat yong ki deiwa yarap ya ki paidbah yeiwa chem chitom ki ha ki kaam wa man ka sngi deiwa pynemkaam da ki tiar ki tar wa man ka sngi.

Ka District Coordinator, NCSC, Sume G.B. Sangma ka wa pyllai ya kani ka esikai da ong u wa i thong ha uni u snem toh wow chem ya ki khynnah na palatchnong kiwa em yei sap heiwa daw pynman leh ya kani ka NCSC ha ki Block wa ki kyrdan District.

Da pynchlur u leh ya kiwa sikai wow kylla noh ki  yei rukom sikai ki yow pynchlur ya ki khynnah wow kylli ki yeiwa yoo ki iwa jia man ka sngi yow laitnoh nei ngait biej iwa joor bha hapoh ka ri.

Advertisement ad1

0 Comments

Leave a Reply