15 49.0138 8.38624 1 0 4000 1 https://wyrta.com 300 0

Emkaam wa wow yakrehlang ki tnat sorkar wa ka imlang sahlang wow thoohlaad pynwiar ya i dih drugs: Conrad

0 Comments
Advertisement ad1

Shillong: U Montri Rangbah ka jylla, u Conrad K. Sangma ynne ka sngi da wan wai u ya ka 1st National Conference wa pynman da ka Continuing Institute of Nursing Cell, Woodland Institute of Nursing, Shillong hei ya krehlang waka St. Anthony’s College, Shillong wa yarap poisa lang naka Chief Minister Youth Development Scheme hajrong ka phang “Substance, Suicide and Adolescents: Effects of Substance abuse and Suicide in Adolescents”.

Ya i bynta wa nyngkong wow wai ya ka kani ka National Conference da wan emlang u Richard B. Uriah, Principal ka North Liberty Higher Secondary School, Dr. W. Kharshiing, Managing Director, Woodland Institute of Nursing, Bro. A. Dkhar, Principal, St. Anthony’s College, ka L. Kharbangar Das, Principal, Woodland Institute of Nursing wa kiwi kiwi.

Advertisement ad1

Ya kani ka Conference da pynman dei thmu wow pynmih pyrthai ya ki kaam dih ya ki jait dih wa pynmuaid wa i pyntkut yei mynsien ha ki khynnah wa dang khai khynroo wei yow pynsñiawthooh ya ka imlang sahlang yeiwa ktah kini ki kaam wei wow sñiawthooh leh neiyi i daw wa da pynman ya ki wow leh ya kini ki kaam.

Ha i klaam waiphang u Conrad Sangma da yaroh u yaka Woodland Institute of Nursing wa waroh kiwa da ye u pynman ya kam kani ka yalang pynsñiawthooh paidbah khamtam ya kiwa dang khynroo yei maa wa mih na i drugs wa i kiad wei ki ymye ki wow yarap namo u pynwiar ya i eh i khoo wa yachem ki.

Da ong u leh wa ymye wow yaleh pyrchah ya kani ka kaam du nei khang wow poi ki jait dih chapoh ka jylla wei da toh i por ya waroh kiwa em ha ka sorkar, ka tnat ka chait ka khiah, kiwa sikai, kiwa mihkhmat paidbah wow krehlang yow chem laad wa kammon wow yaleh pyrchah ya kani ka kaam.

Chooh chooh da ong u waka mynried chong ko ha i kti ki khynroo ki khyllood wei emkaam wow pynlai ya i bor yong ki cha ki kaam wa bha yow pynku ya ka imlang sahlang wei kamtæ da emkaam wow booh ya ki Counseling Center wa kiwi kiwi ki wow ye u e yei yarap wa i kyrchaan wa emkaam ki khynroo khyllood.

Ha kani ka sngi u Montri Rangbah wa kiwa chah khut sñiawbha da pyllait ki ya ka Souvenir ka Woodland Institute of Nursing kawa da e pyrtuid “U Mawmer ka jingjop”.

Ha kani ka sngi ki bru wa chemphang wa wan wow klam hajrong ki phang waphær waphær toh Dr. D. Gogoi, Consultant Psychiatrist, Woodland Hospital, Dr. B. Barman, Associate Professor, Department of Medicine, NEIGRIHMS, ka I. Shadap, Clinical Psychologist, Civil Hospital, Nongstoin, ka M. Anthony, Nursing Superintendent Downtown Hospital, Assam, Dr. B. Bhagabati, Professor warim ka GMCH, Assam wa Dr. A. Nongpiur, Asstt. Professor Department of Psychiatry NEIGRIHMS.

Ha ka ya phyllu yumut namo ka Panel Discussion da chimbynta ka  J. G. Syiem, Programme Co-Ordinator, NEN, Shillong, u V. Syiem, SP, West Jaintia Hills, Jowai, u HH Mohrmen, u A. K. Roy, Psychiatric Social Worker, Nazareth Hospital, Shillong waka P. Chakravorty, Professor cum Principal, International College of Nursing, Assam.

Advertisement ad1

0 Comments

Leave a Reply