Haka kyrwoh wa phah da u Riki Mukhim uwa man kam u bru paidbah wa sñiawkhia yei yoh psiah tooh ki nong Bangladesh cha India, da ong u wa ini ym toh de i sien wa nyngkong wa da jia tangwa ha kani ka kynti da joor chooh chooh i hadooh wa ka thaaiñ War Jaiñtia hi waroh kawi da khih win lut.
Da ong u wa hawa lai cha wah cha neiñ, katkam i sur paidbah wa ini waroh toh neidaw wa joor ka khayi maar tooh India wa Bangladesh wei na ini i daw wa ki khar Bangla da tip lut ki yaka luti ka syngkieñ wow wan thombor yaki paidbah ka thaaiñ. Lada ini toh iwa sakhiat, da kyntu ya ki paidbah kiwa jooh myllien wow khayi maar tooh wow pyrkhat lang yaka suk ka saiñ ym toh du wow pyrkhat du ya i myntoi samen.
Ha iwi tawan i liang ye wow man wym hoi ki BSF wow yang wow pait wei wow yada ya u pood, wei ye u em iyi iyi wym ye mutdur hapyrdi kiwa khayi tooh wa ki BSF.
Da ong u leh wa i boon ki bru wa na baar katni ym toh de iwa ke wei da chem ya ini da i lai khynra baar jylla, baar ri ki seiñbhalang waphær waphær ha War Jaiñtia wei da chem leh chiboon ngut ki khar Bangla kiwa da yoh laad wow psiah cha India wow wan leh Business, lada da i khayi pateiñ næ mylla sngi næ wow dai dakha, wow mylla yung bru wa kiwi kiwi. Wei hajrong ini i bynta ye wow man wa ki nong Bangla da yoh laad ki wow chimkabu wow wan psiah tooh hadooh wow leh ya ki kaam tooh kaam pyntieñ haka imlang sahlang ka thaaiñ hi waroh kawi.
U Mukhim da ong u wa da toh por wow khyrngiat yong bru wa neini chakhmat wa ym toh de wow e laad ya ki wan poi wiar wa chisngi wow yohlaad ki wow kreh ha kiwon kiwon ki kaam wei ym toh leh wow khut mylla daki nong Bangladesh wow wan leh yaki kaam yung kaam sem neibhah wa chisien wa ki nong Bangladesh yoh ki wow psiah chapoh ka ri daw em i maa wei toh u yait na ini.
Da kyrpaad joor u leh yaki paidbah ka thaaiñ khamtam ha kini ki por wow yieñ tylli lang khlem randien wow yaleh pyrchah yaki nong Bangladesh kiwa thmu wow leh bor thombor hapoh ka ri yong i.
Discussion about this post