Jowai: Ka seiñ Hynñiewtrep Students Union Central Body da pynrem joor ko ya ka sorkar MUA II hapoh i yahkhmat u Dr. Mukul Sangma kam u Montri Rangbah yei phah thooh phah kynreh ko ya ki dkhot ka KSU kamwa kdong ya ki dkhot ki seiñ kieñ suloi.
“Ini pynyoo i wa ka sorkar ym em de i kitkhlieh ko neibynta ka mynried yong kiwa chong chnong ka Ynñiawtrep kawa em hei ma katni nei psiah tooh ki baar jylla” da ong ka HYC.
Ka seiñ da dawa ko naka sorkar wow sangeh noh ya ki kaam rel hadooh wa da dep chna ya ki aiñ wow yada nei psiah i mih ki baar jylla.
Da dawa ko leh wow sangeh noh u kdong wei wow kem ya ki dkhot ka KSU neibynta i chongsuk hapoh ka chnong ka thaw.
“Emkaam wow pynbait cha ka sorkar jylla ya u pood u ang chwa wow leh ko iwon iwon ya ka luti rel” da ong ka seiñ.
Da ong ko leh wa lada ka sorkar wanrah yabor ko ya ka luti rel khlem i mynjur uwa boon walang wei lada mih i kulmar yi wow bahkhlieh yeini?
Kani toh katkam ka khubor na u president ka seiñ u K. Rymbai.
Discussion about this post