Jowai: Ka samoi wow yajied ya kiwa mihkhmat cha ka dorbar chna aiñ ka jylla da jan i wei ki yalang wow yalap election ki kyrtong leh dang joor i kat dang mih ki sngi.
Ynne ka sngi won da pynman ya ka yalang yalap da uwi na ki kyrtong na ka 4-Mookaiaw Legislative Constituency u Gilbert Sten ha yung dorbar ka Mowkaiaw.
Ha kani ka yalang da wan ya chimbynta da ki paidbah ka 52 tylli ki chnong kiwa haap hapoh ka 4-Mowkaiaw Constituency heiwa da iwi i sur da rai ki wow kyrchaan ya oo.
Ki paidbah kiwa da wan cha kani ka yalang da kynjoh ki hadooh kamwa 1500 ngut weiwa oo da ngait u yei rai ki paidbah wow mih noh u na ka Congress kawa jooh em u waroh chi kattu.
Chirup wa u Sten, u B. Chyrmang uwa jooh man kam u Ex-MDC 13- Saphai, u Y. Papeng uwa na Saphai, ka Kores Sten kawa man kam ka Secretary ka Mahila Congress na 4- Mookaiaw wa kiwi kiwi da rai ki wow mih noh na ka Congress.
Ka dorbar ynne ka sngi da elaad ko ya u Gilbert Sten wow jied ya kawon kawon ka party wow yakhun ya ka election wei wow kyrchaan ki ya oo hanlada yakhun u kam u kyrtong wa samen leh.
Discussion about this post