15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Emkaam wow skem i thij i pyrkhat yow ye u im ha i rukom i wym ktah ya i dæ

0 Comments
Advertisement ad1

Jowai: Kam chibynta wow yaleh u pynwiar yei ngiah i chitom pyrkhat ha ki thaw kreh, ki dkhot ka District Mental Health Programme Team ka Jowai Civil Hospital Ialong hapoh ya yungkrehkaam u District Medical & Health Officer, West Jaiñtia Hills da pynman ki ya ka yalang wa chi sngi wa tip kam ka ‘Stress management at Workplace with Suicide Prevention’ ha Conference Room u DC ka WJH.

Ha kani ka yalang da emlang u D.M Wallang, In-charge Deputy Commissioner, West Jaiñtia Hills, u S.C Laloo, Additional Deputy Commissioner, ka D. Syngai EAC waka Y. Mawlong, EAC.

Ki bru wa chemphang kiwa wan wow klam ha kani ka sngi kynthup ki ya ka Dr.(Mrs) A.M. Pasweth, Psychiatrist (Nodal Officer), Dr. E. Dann, Programme Officer, ka Diana Roy Tongper, Psychiatric Social Worker waka Shelomi Syngkon, Clinical Psychologist kiwa da pynyoo lyngba ki dur ki dar ki thoh ki tar chaphang ki kjut wa ye u yoh manda joor khia i kaam wa i kitkhlieh wei kammon u pynduna ki.

Da ong ki wa emkaam u chait hei rukom pyrkhat pyrdaiñ wei kani man ko kawa kongsan bha kawa ye u yada ya ki bru wa thmu wow chim pyn yei yong ki hi i mynsien. Da ong ki wa lada em ki bru wa chitom ki hei pyrkhat kiwa sñiawsih emkaam u yarap ya ki wei ym toh u klam beiñ ya ki wei ym toh u yoo beiñ ya ki. I emlang i pyrkhat wa chait wa khiah yarap bha ko leh wow wanrah ya ka thaw kreh kawa miat wa bha.

Ka Shelomi Syngkon, Clinical Psychologist da ong ko wa i khia kreh i ngiah man ko kam chibynta i kreh wa man ka sngi wei ktah ya waroh ki jaitbru chynrang wa kynthai. Da ong ko wa ini i ngiah em ki soo jait ka Eustress, Distress, Hyper Stress wa Hypo Stress heiwa ka Eustress man ko kawa bha kawa mih na i kreh hi manda hun ki bru yei kaam wa kreh kamjooh manda poi thong, katwa kiwa em Stress toh kiwa ktah ya ki bru wei toh u yait ya ki kiwa ye u pynman ya ki bru hadooh wa ye ki u pynkut yei mynsien yong ki.

Da pyntip leh wa nadooh u Naitung (April) 2016 hadooh u Wisu (March) 2018 da em 39 sien wa da pyrchang wow pynkut yei mynsien yong ki hapoh ka West Jaiñtia Hills District.

Advertisement ad1

0 Comments

Leave a Reply