Shillong: Ka Abilities Lyngdoh kawa dang 17 snem kawa puræ Class XI ha Alpha English Higher School, Nongpoh kawa na ka chnong Erpakon, daw mih khmat ko ya ka ri India ha ka International Youth Level Muay Thai kawa daw pynman ha Bangkok nadooh ka 3 tarik hadooh ka 11 u Naisaphra (August) 2017 wa pynman da ka International Federation of Muay Thai Association.
Ka Muay Thai Association of Meghalaya (MTMA) da pyntip ki ym em poisa ki wow phah ya ka Abilities Lyngdoh cha Bangkok, Thailand kamtæ da thooh yarap ki na u Montri Rangbah ka jylla u Dr. Mukul Sangma yow yarap poisa u yow ye ko u lai chimbynta.
Emkaam poisa ko palat ya T. 5 Lak wa kynthup wa ki arngut ki wow lai lang wa ka, u Coach yong ka wa u pa ko, kamtæ da kyntu leh ya ki paidbah wow yarap poisa ya ka ha kani ka kynti.
Ha ka chithi wa da e ha u Montri Rangbah da ong wa ka jylla em ko boon kiwa em yei sap ha ki yalehke Martial Arts wei da dep mihkhmat ki ya ka ri da boon sien hanlada ym em ki thaw wow pynbniah yei sap yong ki.
Kamtæ ka sorkar da toh i por u kyruiñ ko cha kani ka kaam wow yarap ya ki khynroo khyllood ka jylla.
Ka Abilities Lyngdoh toh ka khon samen kynthai na ki 7 ngut chi payu.
Ka Abilities da pyndep ko leh ya ka Medical Fitness Test kawa ar sngi wa pynman ha NEIGRIHMS heiwa da yoh ko ya ka Medical Fitness Certificate wei lada khlem em kani ymyoh ko u lai chimbynta.
Discussion about this post