15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Emkti ki bor na baar ri wow pynchit yei pyrchah ya ka CAB: Rahul Sinha

1 Comment
Advertisement ad1
Advertisement ad1
Advertisement ad1
Advertisement ad1

Shillong: Ka Bharatiya Janata Party (BJP) da pynksan ko yei thmu wow pynman aiñ ya ka CAB da ka sorkar BJP toh wow wanrah yei yatylli wei wow pynyajan ya ki jaitbru wei ym ktah ko ya kawon kawon ka jaitbru, wei i pyrchah wa da mih hajrong ka CAB toh i chah yah bakla deiyi deiyi wei emkti leh ki bor na baar ri.

Hawa klam ynne ka sngi u National Secretary ka BJP, u Rahul Sinha da pynbaad u wa i yap kani ka Bill ha kani ka kynti toh wa em ki seiñ wa yohmyntoi samen kiwa yah bakla ya ki paidbah deiwa pynpoor ya ka khubor hamsaya.

U Sinha da wanpoi u ha nongbah Shillong wow yalap ya ka ‘Bharat ke Mann ki Baat-Modi ke Sath’ deiwa paan leh yei yumut na ki paidbah ka jylla.

Hajrong i klam u President ka BJP, u Amit Shah wa lada ka BJP wan biang ko hei bor daw wanrah biang ko ya ka Citizenship Amendment Bill, 2016 wow pynman aiñ ya ka, neiliang u Sinha da kubur u wa ka BJP daw wanrah ko ya kani Bill wei daw lai pynsñiawthooh paidbah leh cha ki paidbah wa kani ka Bill ym ktah ko ya ki paidbah.

Kam wow pynkynmoo heini, ka sorkar Meghalaya Democratic Alliance (MDA) kawa em 2 ngut ki MLA ka BJP da pyrchah ko ya ka CAB, tangwa neiliang u Sinha da ong u wa da em i sñiawthnooh bakla wei ka BJP daw klam pynsñiawthooh ko leh wa kani ka Bill ym ktah ko ya ki paidbah.

Heijooh i por u Sinha da kob u wa ka BJP daw wan biang ko hei bor hadien ka Election MP cha Lok Sabha.

Da ong u leh wa ki Party kiwa em bynta ha ki kaam baam-tooh da sooh buit ki wow pynhaap ya u Modi khlem yurim wei neibynta wow yada ya ki kaam baam-tooh yong ki, neibhah u Modi da chim u ya ka rai wa khlan wow pyndooh ya ka baam-tooh deiwa phah kem wow wanrah biang ya ki bru wa baam-tooh cha ri India.

Share this:
Previous

Hapyrdi u slap lai bait ka proseshon ki khon ka Balang Katholik Kyndongtuber

Next

Kyntait ka BJP wa ym nood ko wow yakun Election MDC