Ka 5th Evening Super-4 Football Tournament 2023 wa pynman da ka Sports & Youth Affairs Committee ka Chutwakhu Social Welfare Durbar, Jowai da pteiñ ya ka ynne i miet deiwa sdang ya ki yalehke ka Second Round ha madan Basketball wa em ha madan Jrisaleiñ.
Ha ka yalehke wa nyngkong, ka Chicago SC da jop ko yaka Yong Brothers FC da 5-0 da ki kool wa thap lut da u Wamesanlangki Mynsong haka minit wa 5, 28, 33, 38 wa 43.
Ha ka yalehke wa ar, ka Pra I Cheini da jop ko yaka Nangsan Saphi FC da 3-1.
Ya ka Pra I Cheini da thap kool da u Ferdinand Pakynteiñ haka minit wa 2 wa u Rimitre Thma haka minit wa 15 wa 36 katwa yaka Nangsan Saphi da thap da u Eurestos Mynthlu haka minit wa 13.
Ki yalehke wa bood u pynman haka 6 tarik hapyrdi ka Dongmihsngi Junior waka Mercury FC heipor 6:00 waje i miet wei daw pynbood da ka Mixed United waka We United heipor 7:00 waje i miet.
Discussion about this post