Evening Super-4: Jop ka Future XI waka Oxford United

Ka 4^th Evening Super-4 Football Tournament 2022 wa pynman da ka Sports & Youth Affairs Committee ka Chutwakhu Social Welfare Local Durbar, Jowai da pteiñ ya ka ynne i janmiet deiwa pynman biang ar tylli ki yalehke.

Ha ka yalehke wa nyngkong, ka Future XI da jop yaka Ultra Legend da 5-0 lyngba ki kool wa thap da u Mebanshon Lytan ha ka minit wa 3, u Garnet Bareh ha ka minit wa 10 wa 38 wa u Ruben Lamin ha ka minit wa 41wa 46.

Ha yalehke wa ar, ka Oxford United da jop ko ya ka Young Boy’z da 3-1.

Related posts

Da pyndep ya ka 1st Round ka 3rd Division ka EJHDFA | Da pynbna leh ya ki Team wa yow u lai chakhmat

August 22, 2026

3rd Division EJHDFA: Jop ka Sonapyrdi wa ka Wahsarang

August 20, 2026

Ya ka Oxford United da thap kool da u Stephan Pale ha ka minit wa 11 wa 50 wa u Everjoy Phawa ha ka minit wa 41 katwa ya ka Young Boy’z da thap da u Pynkitbok Khonglah ha ka minit wa 20.

Mynstep daw pynman biang ar tylli ki yalehke wa daw sdang da ka Tyndang Paruit FC pyrchah ya ka Niam Rong FC heipor 4:30 i janmiet wei daw pynbood da ka Bad Boy’s pyrchah ya ka RARR FC heipor 5:30 i janmiet.