Evening Super-4: Jop ka Jayden’s waka Future XI

Ka 4^th Evening Super-4 Football Tournament 2022 wa pynman da ka Sports & Youth Affairs Committee ka Chutwakhu Social Welfare Local Durbar, Jowai da pteiñ biang ya ka ynne i janmiet deiwa pynman biang ar tylli ki yalehke kiwa man leh ki yalehke ka 2^nd Round.

Ha ka yalehke wa nyngkong, ka Jayden’s da jop ko ya ka Andromeda Galaxy da 5-1.

Ya ka Jayden’s da thap kool da u Longshisha Syrpuh ha ka minit wa 7 wa 29, u Ksohlangki Rymbai ha ka minit wa 25, Eddie Laloo ha ka minit wa 43 wa u Wandame Rymbai ha ka minit wa 49 katwa ya ka Andromeda Galaxy da thap kool da u Kitbok Challam ha ka minit wa 42.

Ha ka yalehke wa ar, ka Future XI da yachem ko waka Oxford United heiwa ka yalehke da kut ko da 2-2.

Related posts

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Poi noh ka Baby League ka East Jaiñtia cha wakut

May 10, 2025

Ya ka Future XI da thap da u Elizer Garnet Bareh ha ka minit wa 5 wa 7 minit katwa ya ka Oxford United da thap kool da u Daker War ha ka minit wa 20 wa 23. Kamtæ da pynman da ka yachut Penalty heiwa ka Future XI da jop ko da 1-0.

Mynstep daw pynman biang ar tylli ki yalehke kawa daw sdang da ka Niam Rong FC waka RARR FC heipor 5:30 i janmiet wei daw pynbood da ka Spartan pyrchah ya ka Pra I heipor 6:30.