Evening Super-4: Jop ka Mid’s United waka Dreamers

Ka 5^th Evening Super-4 Football Tournament 2023 wa pynman da ka Sports & Youth Affairs Committee ka Chutwakhu Social Welfare Durbar, Jowai da pteiñ ya ka ynne i miet da ar tylli ki yalehke ha madan Basketball wa em ha madan Jrisaleiñ.

Ha ka yalehke wa nyngkong, ka Mid’s United da jop ko yaka Bataw Student FC da 5-2.

Ya ka Mid’s United da thap kool da u Eleven Biam (Own Goal) haka minit wa 13, u Luckyness Khyriem haka minit wa 39 wa 40, u Lalmalsawma Tariang haka minit wa 32 wa 50 katwa yaka Bataw Student da thap da u Jesper Lamare haka minit wa 21 wa u Toni Tariang haka minit wa 22.

Ha ka yalehke wa ar, ka Dreamers FC da jop ko yaka BVB UNITED da 3-2.

Related posts

MSL-5: Phra tylli ki yalehke wa da pynman ynne ka sngi

April 16, 2026

MSL-5: Jop ka Nongkseh SSCC ya ka Khimusniang SC da 2-1

April 15, 2026

Ya ka Dreamers da thap kool da u Damonmi H Nongjngi haka minit wa 20, u Heiwansa Talang haka minit wa 25 wa u Annison Rapthap haka minit wa 49 katwa ya ka BVB UNITED da thap da u Hambert Dkhar haka minit wa 15 wa u Anleric Passah haka minit wa 29.

Mynstep ki yalehke u sdang da ka Enjoy FC waka Progressive 7 heipor 6:00 waje i miet wei daw pynbood da ka Raises United waka Iong I United heipor 7:00 waje i miet.