Ka 4th Evening Super-4 Football Tournament 2022 wa pynman da ka Sports & Youth Affairs Committee ka Chutwakhu Social Welfare Local Durbar, Jowai da pteiñ ya ka ynne deiwa pynman ar tylli ki yalehke.
Ka Pieh FC da yachem ko waka Beat Brother Hood FC heiwa ka Pieh da jop ko da 5-0. Ya ki kool da thap da u Obram Sumer ha ka minit wa 17, 22 wa 29, u Emima Oo Laloo ha ka minit wa 30 wa u Pynkhromi Laloo ha ka minit wa 51.
Ha ka yalehke wa ar, ka Dongmihsngi Junior’s da jop ko ya ka Beat War Boy’s FC da 2-1.
Ya ka Dongmihsngi Junior’s da thap kool da u Ewanmi Daoo Langstang ha ka minit wa 5 wa 31 katwa ya ka War Boy’s FC da thap da u Kithmu Kiman Tariang ha ka minit wa 40.
Mynstep ka yalehke u man ko hapyrdi ka Forty Nine (49ers) pyrchah ya ka Andromeda Galaxy heipor 4:30 i janmiet.
