Ka 4th Evening Super-4 Football Tournament 2022 wa pynman da ka Sports & Youth Affairs Committee ka Chutwakhu Social Welfare Local Durbar, Jowai da pteiñ biang ya ka ynne i janmiet deiwa pynman biang ar tylli ki yalehke kiwa man leh ki yalehke ka 2nd Round.
Ha ka yalehke wa nyngkong, ka RARR FC da yachem ko waka Niam Rong heiwa hadooh wa kut i por da thap mar ar kool.
Ya ka RARR da thap kool da u Odame Lyngdoh ha ka minit wa 13 wa 40 katwa ya ka Niam Rong da thap da u Riketto Dkhar ha ka minit wa 11 wa 29.
Kamtæ ya kiwa jop da yoh deiwa yachut Penalty heiwa ka RARR da jop ko da 2-0.
Ha ka yalehke wa ar, ka Spartan da jop ko yaka Pra I da 3-0 da ki kool wa thap u Jerimon Shylla ha ka minit wa 29 wa 41 wa u Arwanki Dkhar ha ka minit wa 45.
Ki yalehke mynstep daw pynman biang ar tylli heiwa ka Progressive 7 daw yachem ko waka Mookyndur heipor 5:30 wei daw pynbood da ka Damanle FC pyrchah ya ka Carpe Diem heipor 6:30.