Ka 4th Evening Super-4 Football Tournament 2022 wa pynman da ka Sports & Youth Affairs Committee ka Chutwakhu Social Welfare Local Durbar, Jowai da pteiñ ya ka ynne i janmiet deiwa pynman biang ar tylli ki yalehke.
Ha ka yalehke wa nyngkong, ka Spartan da jop ko ya ka Mercury da 9-1.
Ya ka Spartan da thap kool u Jerrimon Shylla ha ka minit wa 29, 38, 39, wa 41, u Meru Suchen da thap u ha ka minit wa 3 wa 33, u Heibormi Talang ha ka minit wa 7, u Samehi Langshiang ha ka minit wa 15 wa u Arwanki Dkhar ha ka minit wa 49 katwa ya ka Mercury da thap kool da u Kyrshan Padit ha ka minit wa 13.
Ha ka yalehke wa bood, ka Pra I da yachem ko waka Myntdu Pynthornein heiwa hadooh wa kut i por ym em wa yoh u thap kool, kamtæ da pynman da ka yachut Penalty wa jop da ka Pra I da 3-1.
Ki yalehke wa bood daw pynman ha ka 7 tarik uni u bnai hapyrdi ka Mookyndur waka Unity FC heipor 5:00 waje i janmiet wei daw pynbood da ka Progressive 7 pyrchah ya ka Tikna Beit FC heipor 6:00 waje.
