U SP ka West Jaiñtia Hills District da pyntip u wa ha kini ki kajiak sngi, da yoh boon ki ujor na kiwa chong chnong ka Jowai wa chah Hack u WhatsApp ki iwa da pynhær rngu ya kiwa chong chnong.
Du ha ka 18 tarik uni u bnai da em kiwa boon ki bru kiwa chah Hack iwa da suba wa da leh da ki jooh ki bru kiwa da pynemkaam ya ki WhatsApp Number hadien wa dep Hack yow phah Message cha ki bru yow dawa poisa iwa da pynkulmar wei pyntieñ ya ki bru kiwa da yoh ya kini ki Message.
Em kiwa da yoh Message wow paan yarap poisa neibhah wa emkaam jhan wei da phah ki ya kini ki Message cha ki payu para wa kiwa ha-yung ha-sem wei ya kini ki Number da yoh pyn napoh ka Contact List wa da yoh kini ki Hacker.
Neiliang ki pulit dang pynman ki yei takit heiyatoh wa ini wa jia.
Yow lait na ini waroh, neiliang ki pulit da kyntu ki wym toh wow jubab ya ki Message na ki bru wym tipmit wei lada ye toh u thooh na kiwi ki laad kiyi ki kini ki bru wa phah Message.
Ymtoh leh wow wai ya kiwon kiwon ki Link næ ki Attachment wa poi lyngba u WhatsApp khamtam na ki bru wym tipmit kiwa ye u yah cha ki Website wa chim kabu kamjooh kiwa em Malware.
Ymtoh leh wow khana ya ki OTP næ kiwi kiwi ki wym hoi chaphang yong phi.
Toh u pynkrehkaam leh ya ka Two-Step Verification yow lait u suk ki bru wow wai ya u WhatsApp phi.
Lada em kiwa yoo suba phi wow pyntip wut-wut cha ki pulit, ye leh wow ujor ha www.cybercrime.gov.in wei lada chah thok poisa won ye wow Phone ha u Number-1930.
Discussion about this post