I leh pap uwi u tre kari da mih pyrthai i hadien wa jia ryngkhat da pynyieñ ki jooh ki kari wa em ki jooh ki Number najrong wa man ki ki jooh ki jait kari iwa da jia hakhmat ka Taj Mahal Palace Hotel ha Colaba, Mumbai ha ka 6 tarik uni u bnai.
Kini ki kari kiwa waroh ar toh ki Maruti Suzuki Ertiga toh kiwa em ki jooh ki Number rong stem itæ MH01-EE-2388 kiwa man kam ki kari kamai.
U Sakhir Ali hawa wan pynhiar bru ha kani ka thaw da yoo u ya kani ka kari iwa da pynkhyrngiat ya oo wei heijooh i por leh da sñiawthooh u yei daw wa ha ki 6 bnai wa da lai da yoh u boon ki Message ha ka Phone u wa chah daiñ kuna ka kari u, i wym em su ya ka bai Toll Gate hanla kitæ ki thaw toh ki wym jooh em lai ka kari u wei hajrong ini dadep chwa u wow lai ujor cha ki pulit tangwa ym em chemdien iyi iyi leh.
Ha katai ka sngi wa yoo u ya kani ka kari, da mih u wow lai yaklam wa uwa yah ya kani ka kari tangwa da yut noh u wei heini i por da pyntip u cha ki pulit kiwa da yoh u ksoh ya kani ka kari wei da rah ya ka cha Police Station.
Hawa takit ki bru ya uni uwa yut, da khana u wa i pyrtuid u toh u Prasad Kadam wei ka Number kari u toh MH01-EE-2383 wei da pynkylla u ya u Number wa khaddooh cha u 8 neidaw wym ye de u su ya ka ram wei joor wan ki bru (Loan Recovery Agent) wow kdong poisa oo wei heijooh i por leh yow lait ka kari u chah chim noh ha kiwa chim ram u.
Discussion about this post