U Montri Rangbah ka jylla, u Conrad K. Sangma hei emlang u Montri ka chnat Pynroi Sor, u Sniawbhalang Dhar wa u MLA ka Jowai u Wailadmiki Shylla da booh ki ya u mooyurim wow chna ya ka Integrated Development Complex (Mini Secretariat) hei thaw wa jooh em ka PWD North Division ha Ladthadlaboh, Jowai.
U Conrad da ong u wa kani ka Integrated Development Complex daw wanrah ko ya i chakri ki chnat sorkar hapoh kawi ka yung wow pynsuk ya ki paibah heiwa ye ki u pyndep yei kaam yong ki hapoh i por wa biang wei ha iwi don i yung.
Da pyntip u leh wa daw booh mooyurim leh ya ka Integrated Development Complex ha Tura ha ki sngi wow wan.
Ya kani ka Integrated Development Complex ha Jowai u chna ha i dor wa T. 19.8 klur.
Ki yung krehkaam wow em ha ka toh ka Deputy Commissioner’s Office wa ki chnat kam ka Election Branch, Supply Branch, Revenue Branch, Planning Branch, Basin Development, ka Social Welfare, District Child Protection Office, Sports Department, Treasury Branch, Excise Department, IPR Office, Tourism, Border Area, Mining Department wa kiwi kiwi leh wei daw e wai ya ki thaw kiwa lait.
