Ynne ka sngi toh ka sngi wa u Montri Rangbah ka jylla, u Conrad Sangma u wan u cha Raliang wow booh mooyurim ya ki Scheme waphær waphær ha kani ka chnong.
Heiyatoh wa ini neiliang kiwa kitkaam wa ki dkhot ka HITO-West Jaiñtia Hills da yang ki ya u Montri Rangbah ha Toll Plaza Ialong wow pynsñiaw ya ki mat dawa yong ka seiñ.
Neiliang u Wanbiang Pulang, Finance Secy. ka HITO-West Jaiñtia Hills da ong u wa u Montri Rangbah toh u lai luti u na u sarok ym toh da ka Helicopter yow yoo u hadooh katwon sih u sarok.
Da ong u leh wa i daw wa wan ki ha ini i thaw toh wym chimkhia ka sorkar MDA yei eh ki paidbah nadooh i pynchna ya uni u sarok, i dawa na ka sorkar wow leh ko iyi iyi neibynta kiwa sikai Contract wei wow beh kreh leh ya ki arngut kiwa kawang Tear Gas ya kiwa sikai.
Da ong u leh wa lada ka sorkar ym chimkhia ko ya ini, ym swe ki wot wow lai toor cha ka Secretariat hadooh wa mih snaam leh tang wow im ka jaitbru.
Tangwa i yang ka seiñ da man iwa sepai neidaw wa u Conrad da lai u da ka Helicopter cha Raliang.
