U Montri Rangbah ka jylla, u Conrad K Sangma, ynne ka sngi da wai u ya ka tamasa kiñ lieñ wa le sngi kawa tip kam ka Rising Sun Water Fest 2022 ha Umiam Sports Complex.
Hawa e yei klam, u Conrad K Sangma da e khublei u ya kiwa pynman ya kani ka tamasa wa heh kam kani hapoh ka jylla hei sien wa nyngkong. “Ka Meghalaya toh kawa da kyrkhu da iwa boon iwa miat nadooh ki loom ki wah wa ki kchaaid tangwa ym pu ye wow chim kabu ya ini deiwa pynemkaam ya ki yow pynmuja kamjooh yow pynman ya ki yow khriñ ya kiwa uiñke suwari,” da ong u.
Da ong u leh ha wa kini ki snem wa da lai hanla pynthut ka khlam COVID-19 heiwa da sangeh ki kaam uiñke suwari, ka sorkar da pyrchang ko leh wow chim kabu ya iwa da em chwa iwa da e ka rymaw yow pynyoh kreh ya ki bru ka jylla yow pyntikna wa ka Meghalaya u man ko ka thaw wa jied kiwa uiñke suwari u lai.
Chooh chooh da ong u wa ka sorkar daw yaleh ko wow pynman ya kam kini ki tamasa chisien chi snem kiwa neibynta ka pyrthai waroh kawi.
Ka Indian Army deilang waka sorkar Meghalaya kam chibynta ka Khelo India da pynman ko ya kani ka tamsa kiñ lieñ (Rowing & Sailing) ha i sien nyngkong heiwa da wan wow chimbynta da kiwa boon ki Sailing Club wa pawnaam ha India heiwa da emlang leh ki pynyoo rong ya ka riti dustur, ki Water Sports wa kiwi de.
