Ka District Level Inter School Subroto Mukherjee Cup Football Tournament 2025 u sdang noh ko nadooh ka 2 tarik uni u bnai wei daw pynkut ha ka 13 tarik uni hi u bnai.
Ha uni u snem daw pynman ya kani ka Tournament ha Kiang Nangbah Stadium, Jowai wa ha Wahiajer Multi Sports Complex kiwa daw sdang nadooh 9:00 waje i step.
Ha Kiang Nangbah Stadium ha ka sngi sdang daw pynman 5 tylli ki yalehke kamjooh ha Wahiajer Sports Complex.
Ki yalehke daw sdang ki da ka U-17 Boys heiwa ha Kiang Nangbah Stadium daw yachem ka Sawlyngdoh H/S School, Mookaiaw pyrchah ya ka Jaintia H/S School, Jowai heipor 9:00 waje i step wei daw pynbood da ka Little Flower H/S School, Ummulong pyrchah ya ka Lumpyrtuh Sec School, Mihmyntdu heipor 10:30, ka Amwi H/S School, Thangbuli u yachem ko waka Tome Memorial H/S School, Jowai heipor 12:00 waje pyrdi sngi, ka H.K. Singh Memorial Sec School, Jowai daw yachem ko wa ka Khimusniang Presbyterian Sec School , Jowai heipor 1:30 i sngi katwa ka Mihmyntdu Sec School, Mihmyntdu daw yachem ko wa ka Mariah Hills H/S School heipor 3:00 waje i sngi.
Ha Wahiajer Sports Complex daw yachem ka K.J.P Synod Mihngi H/S School, Jowai wa ka Albin Lamare Memorial Sec School, Nangbah heipor 9:00 waje i step, ka Adventist H/S School, Khliehtyrshi daw yachem ko waka Laishnong H/S School hepor 10:30, ka Ummulong Presbyterian H/S School, Ummulong daw yachem ko waka Govt. Boys H/S School, Jowai, heipor 12:00 waje pyrdi sngi, ka Kiang Nangbah H/S School, Jowai daw yachem ko waka On and On Secondary School, Ummulong heipor 1:30 i sngi katwa ka Khasi Pnar Sec School, Bakur daw yachem ko waka Rising Hilss Secondary School, Mootyrchiah heipor 3:00 waje i sngi.
Discussion about this post