Ha ka 11 tarik ka Procession Yukharist wei u pynkyntang Lyngdoh ya u Deacon L. Dhar ha Jowai

Jowai : Ya u Deacon Leborki Dhar, u khon u ma Michael Saioo wa ka kong Beatris Dhar Ladthadlaboh Jowai, daw pynkyntang Lyngdohniam ya oo ha kani ka 11 Kmaichonglad (December) 2016.

Ya ini daw pynman ha St. Theresa Cathedral, Marianhill Jowai.

Ya ka niam ka rukom wow pynkyntang Lyngdohniam daw pyndep da u Most. Rev. Victor Lyngdoh DD, u Bishop ka Jylla Niam Jowai.

Yow pynkhroo ya kani ka sngi Procession Yukharist wei wow pynkyntang Lyngdohniam, i pynkhreh da lai ko chaaid chaaid lyngba ki Committee waphær waphær wei da yooluti leh wa daw wan da ki phaw hajar ngut ki piadbah ki wow chim bynta ha ka Procession Yukharist kamjooh wow sakhi ya i pynkyntang Lyngdohniam.