15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ha ka 12 Khonchonglad u bichaar ka SC ya ka hukum khang tih mooyong ka NGT

0 Comments

Jowai: Ka mukotduma wa da yaleh ha Supreme Court ka ri wow pynlait noh yei chah khang mooyong ha ka NGT kawa katni da em hei pyrtuid u Lber Laloo pyrchah ya kiwi da chong bichaar biang ya ka ha kani ka 5 tarik.

U Lber Laloo ha u Thohlakhmi (Feb) 2018 da yaleh u da ka Civil Appeal Diary No. 3067 ha ka Supreme Court yow phah pyndam ya ka hukum ka NGT kawa khang yei tih mooyong hapoh ka jylla Meghalaya.

Hadien wa da boon sien wa da chong bichaar ya kani ka mukotduma ka Supreme Court da ban joor ko wa emkaam ka sorkar jylla waka sorkar pyrdi wow pynsmat ki wow thooh laad kammon wow wanrah ya ka laad wow wai noh ya kani ka kaam tangwa ym em poi ka ya sñiawthooh lang hapyrdi kini ki sorkar. Ini wa da dep ka sorkar pyrdi da thoh ko cha ka sorkar jylla wow pynkynmoo ya ka sorkar jylla ya kiwa boon ki chithi wa da thoh cha ka kawa da paan wa hadooh katwon da dep pynkhreh wow sdang da ka Scientific Mining wei ka sorkar jylla chim por slem bha ko wow leh ya ini.

Kamtæ da pynman boon ki chong bichaar ha u Naitung (April), Naisan (May), Naiynñiaw (July) wa ha u Naikhynde (September) uni u snem yow yang yei jubab na ka sorkar jylla.

Hawa khaddooh ka sorkar jylla da jubab ko wei da booh ko leh ya ki kyndon wow sdang kamjooh u pynkrehkaam ya Policy Scientific Mining wow tih ya u mooyng kamjooh wow yada ya ka rymaw.

Neiliang u muktiar u Lber Laloo da ong u wa ka NGT khuslai ko nadooh wa sdang yei rukom tih mooyong iwa man leh khlem em wa pait neidaw wa ym em Mining Policy ka sorkar jylla. Kattu da deiwa em kani ka Policy da man ko kawa da rap phær neibhah wa ka sorkar da wanrah ko ya ka Mining Policy wei da toh por wow pyndam noh ya ka hukum wow khang u tih mooyong.

Kamtæ ha kani ka 5 tarik ka Supreme Court da mynjur ko wow chong bichaar biang yow pyndooh noh ya ka hukum wow khang u tih mooyong haka 12 tarik u Khonchonglad (November) 2018 hadien wa kut ki chuti Puja ka yung bichaar.

Share this:
Previous

Da pynhaap pyrda ya ka yakob yalehke ka TKSCSC ha Tuber Kmai Shnong

Next

Jop ka Lamyrsiang ya ka Lumsachram ha ka sngi sdang ka Super Division ka SBSA