Ka Nongsning Youth Sport Club (NYSC) da pyntip ko wa ka 3rd Knockout Football Tournament 2024 u pynhaap pyrda noh ka ha ka 14 tarik uni u bnai da ka yakhun Final hapyrdi ka Lucky Muksor FC wa ka Ker FC kawa daw pynman ha madanbol ka chnong Nongsning hi heipor 12:30 i sngi wei daw wan embynta lang u Hambertus Nongtdu kam u kongsan.
Kam wow pynknymoo wa kiwa jop Final daw yoh ki ya ka song poisa kawa Rs. 1,60,000 katwa ka liang wa rem daw yoh ko Rs. 70,000.
Ha kani ka sngi daw emlang leh ka Fete nadooh 6:00 waje i janmiet heiwa daw wan pynwyrngia u Joelan Pariat, u Wanbha wa u Mayan wei daw yoh leh yei chaad wa kyrpang na ka Iairy kawa daw pynman ha Nongsning UP School wei ka bai pisah man ko Rs.100 samen.
Daw pynkhle leh ya ka Lucky Draw heiwa ka 1st Prize toh da ka poisa kawa Rs. 1,00,000, ka 2nd Prize da ka Refrigerator katwa ka 3rd Prize won toh da ka Mobile Phone.
Discussion about this post