Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA, daw sdang noh ya ki yakhun Quarterfinal nadooh ka 14 tarik uni u bnai ha Madan Kiang Nangbah, Jowai.
Ka Quarterfinal wa nyngkong daw pynman ha kani ka 14 tarik hapyrdi ka Nonglatem waka Maitchaphrang Mootyrchiah heipor 12:15 pyrdi sngi.
Hadien kani heipor 3:00 waje i sngi won daw yachem ka Risingsun Mukhla waka Khliehmuchut Shangpung.
Kiwa sah ki yakhun Quarterfinal daw pynman ha ka 16 tarik uni u bnai deiwa sdang daka Madankynsaw Mookyndeng waka Mawsiang FC heipor 12:15 pyrdi sngi.
Ha kani ka jooh ka sngi heipor 3:00 waje i sngi ka Mookyrdup daw yachem ko waka Pasyih Cultural Sports Club.
